Լեբո սուրճի արտադրությունը

Սուրճի Արաբիկա տեսակը բարձր է գնահատվում ամբողջ աշխարհում դեռ հնագույն ժամանակաշրջանից: Այն առանձնահատուկ է իր բարդ համով և բուրմունքով, իսկ սուրճի թեթևակի թթվությունը կախված է վայրից՝ թե որտեղ և ինչ պայմաններում է աճում թուփը: Իսկ Ռոբուստան հայտնի դարձավ 18-րդ դարում: Այն ավելացնում են սուրճի փնջերի մեջ, որպեսզի ըմպելիքը դառնա ավելի թունդ: Արաբիկա սուրճի թփերը գերադասում են աճել ծովի մակերևույթից 900-ից 2000 մետր բարձրության վրա: Արաբիկան ավելի շատ է ջերմություն պահանջում, լիարժեք հասունացման համար անհրաժեշտ է 15-24°С տաքություն: Մինչդեռ ռոբուստան նվազ պահանջկոտ է օդի ջերմաստիճանի հանդեպ. այն կարող է հասունանալ նաև ստորոտներում, անձրևի տակ:
սուրճի հատիկների մաքրումն ու պատրաստումը

Միջուկից զտված սուրճի հատիկները աշխարհի տարբեր մասերից հասնում են այստեղ, երբ դեռ կանաչ են: Որպեսզի սուրճը դառնա հոտավետ և հագեցած համով, անհրաժեշտ է այն բովել: Սուրճի բնութագիրը ուղղակիորեն կախված է բովման աստիճանից: Թեթև բովելուց սուրճը կարող է «հպարտանալ» թավշյա համով, իսկ ուժեղ բովումը Ձեր էսպրեսոյին կտա թեթևակի դառնություն և տտիպ համ:

Արտադրության հաջորդ փուլը բոված սուրճի փաթեթավորումն է: Մենք փաթեթավորում ենք միայն բարձրակարգ սուրճ հարմար տուփերի մեջ: LEBO սուրճի ֆիրմային տուփերը հատուկ մշակվել են այնպես, որ պահպանեն բնական սուրճի համի և բուրմունքի բոլոր առանձհատկությունները: